دارالحکومت دہلکی میں جمعرات کو ایک پریس کانفرنس میں وزیر اعلی اروند کیجریوال نے کہا کہ پلازما بینک تب ہی کامیاب ہوگا جب لوگ آگے آئیں گے اور پلازما کا عطیہ کریں گے۔ اگر پلازما عطیہ کوئی نہیں کرتا ہے تو پھر پلازما کیسے دیا جائے گا؟ وہ لوگ جو کورونا سے صحت یاب ہوچکے ہیں، آگے آئیں اور پلازما کا عطیہ کریں۔
جن لوگوں کو کورونا سے صحت یاب ہوئے 14 دن ہو گئے ہیں اور ان کی عمر 18 سے 60 سال کے درمیان ہے۔ ان کا وزن 50 کلو سے کم نہیں ہے۔ جن کو ذیابیطس نہیں ہوتا ہے۔ انسولین نہیں لیتے ہیں۔ ہائی بلڈ پریشر کی کوئی بیماری نہیں ہے۔ کینسر یا پرانی کڈنی یا لیور کی کوئی بیماری نہیں ہے۔ وہ تمام لوگ پلازما دے سکتے ہیں اور ایسا کرنے سے وہ دوسروں کی جان بچاسکتے ہیں۔
وزیر اعلی نے پلازما کو عطیہ کرنے کے لئے ایک فون نمبر بھی جاری کیا ہے۔ وہ لوگ جو کورونا سے ٹھیک ہوئے ہیں، جو پلازما کا عطیہ دینا چاہتے ہیں۔ وہ 1031 پر فون کرسکتے ہیں اور براہ راست بات کرسکتے ہیں اور اپنی خواہش کا اظہار کرسکتے ہیں۔ یا آپ واٹس ایپ کے ذریعہ پلازما ڈونیٹ کیلئے 8800007722 پر رجسٹر کرسکتے ہیں۔