آروگیہ سیتو موبائل ایپلی کیشن کا استعمال لازمی

حکومت نے جمعہ کے روز سرکاری اور نجی شعبے کے ملازمین کے لئے آروگیہ سیتو موبائل ایپلی کیشن کا استعمال لازمی قرار دیا ہے۔

مرکزی وزارت داخلہ نے جمعہ کے روز حکومت اور نجی شعبہ کے ملازمین کو ہدایت کی ہے کہ وہ کووڈ-19 وبائی امراض سے لڑنے کی کوششوں کو تقویت دینے کے لئے آروگیہ سیتو موبائل ایپلی کیشن کا استعمال کریں۔

وزارت نے کہا کہ 'متعلقہ اداروں کے سربراہ کی ذمہ داری ہوگی کہ وہ ملازمین کے درمیان اس ایپ کی 100 فیصد استعمال کو یقینی بنائیں۔'

مرکزی وزارت داخلہ نے یہ بھی کہا کہ موبائل اپلی کیشن کوویڈ 19 کے علاقوں میں رہنے والے افراد کے لئے لازمی ہوگا۔

واضح رہے کہ ' یہ ایپ صارفین سے اس کی لوکیشن کی جانکاری کے بعد صارفین کے آس پاس موجود انفیکشن کے خطرے اور امکانات کا پتہ لگانے میں مدد کرتا ہے۔ انفیکشن اور اس کے علامات سے بچنے کے طریقے بھی بتاتا ہے۔'