Appointment of New Chairman CBSE Board: سی بی ایس ای بورڈ کے نئے چیئرمین کی تقرری

سینٹرل بورڈ آف سیکنڈری ایجوکیشن نے محکمۂ ہائر ایجوکیشن میں ایڈیشنل سکریٹری کے طور پر کام کر رہے ونیت جوشی کو سی بی ایس ای کا نیا چیئرمین مقرر Vineet Joshi new Chairman of CBSE Board کیا ہے۔

نئی دہلی: ونیت جوشی کو سینٹرل بورڈ آف سیکنڈری ایجوکیشن (سی بی ایس ای) کا نیا چیئرمین مقرر Vineet Joshi new Chairman of CBSE Board کیا گیا ہے۔ اس سلسلے میں مرکزی وزارت تعلیم کی جانب سے احکامات جاری کر دیے گئے ہیں۔

اطلاعات کے مطابق اس کا اعلان وزارت تعلیم کے محکمۂ اسکول ایجوکیشن اینڈ لٹریسی کی طرف سے جاری کردہ حکم نامے میں کیا گیا ہے۔

ونیت جوشی اس وقت محکمۂ ہائر ایجوکیشن میں ایڈیشنل سکریٹری کے طور پر کام کر رہے ہیں اور سرکاری احکامات کے مطابق انہیں ان کی موجودہ ذمہ داری کے علاوہ سی بی ایس ای کے چیئرمین کا بھی چارج دیا گیا ہے۔

ونیت جوشی منی پور کے 1992 بیچ کے آئی اے ایس افسر ہیں اور وہ نیشنل ٹیسٹنگ ایجنسی کی گورننگ باڈی کے رکن بھی ہیں۔