دلت نوجوانوں کی رہائی کے لیے نیشنل کمیشن سے اپیل

ادی دھرم مشن نے دہلی پولیس کی جانب سے رام لیلا میدان سے گرفتار کیے گئے 96 دلت نوجوانوں کی رہائی کے لیے نیشنل کمیشن فار شیڈولڈ کاسٹ کو ایک مکتوب روانہ کیا ہے۔

آل انڈیا ادی دھرم مشن کے قومی صدر سنت ستویندر سنگھ ہیرا نے ایک بیان میں بتایا کہ ادی دھرم سماج کی سنگت کے گرفتار کیے گئے 96 نوجوانوں کو رہا کروانے کے لیے نیشنل کمیشن فار شیڈولڈ کاسٹ نئی دہلی کو ایک خط لکھا گیا ہے۔

انہوں نے کہا کہ 21 اگست کو آل انڈیا ٓدی دھرم مشن شری گورو روی داس سادھو فرقوں کے سنت سماج کی قیادت میں گورو روی داس سبھائیں، بھگوان والمیکی سبھائیں، بہوجن سماج پارٹی اور امبیڈکر جتھے بندیوں کے کارکن دہلی کے رام لیلا میدان میں تاریخی قدیم شری گورو روی داس مندر کو توڑے جانے اور گو رو روی داس جی کی بے حرمتی کرنے کی مخالفت میں پرامن طریقے سے احتجاجی مظاہرہ کر رہے تھے۔

لیکن دہلی پولیس اور انتظامیہ کی جانب سے مظاہرہ کر رہے نوجوانوں پر لاٹھی چارج کیا گیا۔
سنت ہیرا نے کمیشن سے مطالبہ کیا ہے کہ گرفتار کیے گئے نوجوانوں کو فوری طور پر رہا کیا جائے اور مندر کی تعمیر نو کی جائے۔

واضح رہے کہ 10 اگست 2019 کو ڈی ڈی نے تغلق آباد میں ست گورو روی داس جی کا مندر گرا دیا گیا تھا ۔