عید الاضحٰی کے لیے حکومت سے درخواست

دہلی میں مسجد فتحپوری کے شاہی امام ڈاکٹر مفتی مکرم نے حکومت سے درخواست کی ہے کہ عیدالضحیٰ کے متعلق تمام انتظامات کیے جائیں۔

قومی دارالحکومت دہلی میں مفتی مکرم نے مرکزی حکومت سے کہا ہے کہ عید الاضحٰی کی نماز اور قربانی کے لیے تمام تر اقدامات جو گذشتہ برسوں میں کیے جاتے تھے، انہیں اس برس بھی اسی انداز میں انجام دیے جائیں۔

عالمی کورونا وائرس کی وبا کا قہر مسلسل جاری ہے۔ ایسے تمام تہوار بھی اس مہلک بیماری کی نظر ہو رہے ہیں، اب چونکہ عیدالاضحٰی بھی قریب ہے اور چاند کا بھی اعلان کیا جاچکا ہے۔ ایسے میں شاہی مسجد فتحپوری کے امام ڈاکٹر مفتی مکرم احمد نے حکومت سے مذکورہ بالا درخواست کی ہے۔

مفتی مکرم نے اس اپیل میں مرکزی حکومت سے کہا ہے کہ عیدالاضحٰی کے لیے گزشتہ برسوں کی طرح جو اقدامات کیے جاتے ہیں انہیں اسی طرح انجام دیے جائیں، عید کی نماز اور قربانی کے لیے تمام تر اقدامات کیے جائیں تاکہ مسلمان اپنے اس تہوار کو مناسکیں۔

انہوں نے عوام سے بھی اپیل کی ہے کہ موجودہ حالات کو دیکھتے ہوئے رواں برس عید قرباں کو احتیاطی تدابیر اختیار کرتے ہوئے منائیں۔

دہلی میں مسجد فتحپوری کے شاہی امام ڈاکٹر مفتی مکرم نے حکومت سے درخواست کی ہے کہ عیدالضحیٰ کے متعلق تمام انتظامات کیے جائیں

علاقوں میں صفائی کا خاص خیال رکھیں، تاکہ یہ مہلک وبا نہ پھیل سکے، انہوں نے کہا کہ اگر کہیں کوئی پریشانی کھڑی ہو تو صبر و ضبط کے ساتھ علاقے کے ذمہ داران سے رابطہ کرکے اس معاملے کو حل کریں، تاکہ کسی طرح کی کوئی نہ پسندیدہ عمل ن ہو۔

خیال رہے کہ اسلامی مہینے ذی الحجہ کا چاند نظر آ چکا ہے، لہٰذا بھارت کی مختلف ریاستوں میں عید الاضحٰی یکم اگست کو منائی جائے گی۔