شمالی ریلوے کے ہیڈکوارٹر بڑودا ہاؤس میں ایک اور شخص کورونا سے متاثر

شمالی ریلوے کے ہیڈکوارٹر بڑودا ہاؤس میں ایک اور کرونا کیس منظر عام پر آیا ہے۔ یہاں پرنسپل چیف پرسنل آفیسر یعنی پی سی پی او کے سکریٹری میں انفیکشن کی تصدیق ہوئی ہے۔

اس رپورٹ کے بعد سیکرٹری کے ساتھ رابطے میں آنے والے تمام لوگوں کو 17 جون تک سیلف قرنطینہ میں جانے کو کہا گیا ہے۔

موصولہ اطلاع کے مطابق گزشتہ 9 جون کو اس شخص کی رپورٹ آئی تھی۔ اس نے آخری بار 3 جون کو دفتر میں کام کیا تھا۔ رابطے میں آئے کل دو لوگوں کو گھر سے کام کرنے کی سہولت بھی دی جائے گی۔

واضح رہے کہ بڑودا ہاؤس میں یہ پہلا کیس نہیں ہے۔ اس سے پہلے بھی یہاں کے دو محکموں کے ملازمین میں کورونا وائرس کی تصدیق ہوئی ہے۔ اس کے بعد دونوں محکموں کے دفاتر کو سینیٹائز کردیا گیا۔