جامعہ شوٹر کے خلاف کاروائی ہونی چاہیے: غلام نبی آزاد

گزشتہ کل جامعہ کے باہر سی اے اے کے خلاف ایک احتجاجی مظاہرہ چل رہا تھا، جس میں ایک نامعلوم شخص نے گولی چلائی تھی، اس حملہ میں جامعہ کا شاداب فاروقی نامی ایک طالب علم زخمی ہو گیا تھا۔

کانگریس کے سینیئر رہنما غلام نبی آزاد نے جامعہ میں گولی چلانے والے نابالغ بچے کے خلاف کاروائی کرنے کی اپیل کی ہے۔ اور اس کے علاوہ جے این یو میں طلبہ پر حملہ کرنے والوں کو بھی گرفتار کرنے کی گزارش کی ہے۔

غلام نبی آزاد نے الزام لگاتے ہوئے کہا کہ 'جے این یو اور جامعہ میں جن لوگوں نے حملہ کیا ہے وہ برسر اقتدار پارٹی کے لوگ ہیں۔ ان سب ملزمین کے خلاف کوئی کاروائی نہیں کی گئی ہے، اور یہ سب حکومت کی منظوری سے ہو رہا ہے'۔

دراصل جامعہ ملیہ اسلامیہ کے قریب گزشتہ کل سی اے اے کے خلاف ایک احتجاجی مظاہرہ کیا جا رہا تھا، اس مظاہرے میں نامعلوم شخص نے فائرنگ کی اور ایک طالب علم کو زخمی کر دیا، پولیس نے حملہ ور کو گرفتار کیا اور اسے جونائیل بتایا ہے۔

آج اس ملزم کو جونائل کورٹ میں پیش کیا گیا ہے اور اس کی گولی سے زخمی ہوے طالب علم کو ہسپتال میں طبی امداد کے بعد ڈسچارج کر دیا گیا ہے۔