پچاسویں بین الاقوامی فلم فیسٹول میں امیتابھ بچن کو اعزازسے نوازاجائیگا

پچاسویں بین الاقوامی فلم فیسٹول میں صدی کے مہانائک امیتابھ بچن کو داداصاحب پھالکے ایوارڈ سے نوازا جائیگا اور 76ملکوں کی تقریبا 250فلموں کی نمائش بھی ہوگی ۔

پچاسویں بین الاقوامی فلم فیسٹول میں صدی کے مہانائک امیتابھ بچن کو داداصاحب پھالکے ایوارڈ سے نوازا جائیگا-

پچاسویں بین الاقوامی فلم فیسٹول میں امیتابھ بچن کو اعزازسے نوازاجائیگا

76ملکوں کی تقریبا 250فلموں کی نمائش بھی ہوگی ۔ اطلاعات ونشریات کے وزیرپرکاش جاوڈیکر نے یہ اعلان کیا۔
مسٹر جاوڈیکر نے بتایاکہ 20 سے 28 نومبرتک جاری رہنے والا یہ فلمی میلہ گولڈن جوبلی ہوگا-

اس میں 76ملکوں کی تقریبا 250فلمیں دکھائی جائیں گی اور 10ہزار لوگوں کے شرکت کرنے کی امید ہے۔

تقریب میں امیتابھ بچن کو داداصاحب پھالکے ایوارڈ پیش کیاجائیگا۔ اس میں مسٹر بچن کی چنندہ فلمیں بھی دکھائی جائیں گی ۔
مسٹر جاوڈیکر نے بتایاکہ تقریب میں 26 بھارتی فیچر فلمیں اور 15غیر فیچر فلمیں دکھائی جائیں گی۔

بھارتی پینورما کی افتتاحی فلم ’ہیلارو‘ہوگی جوگجراتی فلم ہے اور اس کے ڈائریکٹر ابھیشیک شاہ ہیں ۔

غیر فیچر فلم کے زمرے میں افتتاحی فلم ’ نورہ ‘ہوگی اور یہ کشمیری فلم ہے اور اس کے ڈائریکٹر آشیش پانڈے ہیں ۔
انھوں نے بتایاکہ ہندی اور انگریزی کے علاوہ بنگلہ، مراٹھی اور کنڑ سمیت دیگر ہندستانی زبانوں میں بھی فلمیں دکھائی جائیں گی۔

اس کے علاوہ پرکاش جھا کی فلم ’پریکشا ‘لوگوں کی توجہ کا مرکز ہوگی ۔تقریب میں ہندستانی پینورما میں چار ہندی فلمیں ہونگی ۔

آدتیہ دھرکی فلم ’اوری ‘بھی توجہ کا مرکز ہوگی۔