All India Muslim Maha panchayat دہلی کے رام لیلا میدان میں مسلمانوں کی مہا پنچایت 29 اکتوبر کو منعقد ہوگی

دہلی کے پریس کلب آف انڈیا میں آج ایک پریس کانفرنس کا انعقاد کیا گیا، جس میں آل انڈیا مسلم مہا پنچایت سے متعلق تفصیلات بیان کی گئی اس دوران بتایا گیا کہ دہلی کے رام لیلا میدان میں 29 اکتوبر کو اس مہا پنچایت کو منعقد کرنے کا اعلان کیا گیا ہے جس میں ملک کی مختلف ریاستوں سے لوگ شرکت کریں گے۔

دہلی:قومی دارالحکومت دہلی میں سرکردہ مسلم شخصیات کی جانب سے مسلم مہا پنچایت کے انعقاد کی تیاری کی جا رہی ہے۔یہ مسلم مہا پنچایت 29 اکتوبر کو دہلی کے رام لیلا میدان میں اہتمام کیا جائے گا۔مسلم مہا پنچایت میں سیاسی مفادات کو قطعی نظر رکھ کر ملک کے موجودہ حالات پر بات کی جائے گی۔

اس پریس کانفرنس میں بریلی سے دہلی آئے مولانا توقیر رضا نے بتایا کہ ہم کسی فرقہ خاص کے لیے کام نہیں کر رہے بلکہ پوری ملت اسلامیہ کے لیے اور اس سے بڑھ کر اپنے وطن عزیز میں اتحاد اور امن و امان قائم رکھنے کے لیے، ملک میں نفرتوں کا جو بازار گرم ہے اسے ختم کرنے کے لیے مہا پنچایت منعقد کرنے جا رپے ہیں۔

انہوں نے کہا کہ ہمارے اس مہا پنچایت میں برادریوں سے اوپر اٹھ کر تمام سیاسی جماعتوں سے اوپر اٹھ کر تمام مسلکوں سے اوپر اٹھ کر اور تمام بٹواروں سے اوپر اٹھ کر شریق ہونا ہے انہوں نے مسلمانوں سے اپیل کی کہ وہ اپنی شناخت کے ساتھ اس مہا پنچایت میں شامل ہوں کیونکہ آج اس ملک میں ہماری شناخت خطرے میں ہے اسے مٹانے کی کوشش کی جا رہی ہے۔

وہی سینیئر ایڈوکیٹ محمود پراچہ نے کہا کہ اج مسلمانوں کے ساتھ نہ صرف ان کی شناخت کر کے بلکہ ان کے مذہبی لباس اور کھان پان کو بھی نشانہ بنایا جا رہا ہے۔

انہوں نے کہا کہ ایسا نہیں ہے کہ یہ پہلے نہیں ہوتا تھا بس فرق صرف اتنا ہے کہ پہلے چھپے ہوئے طریقے سے کیا جاتا تھا اج کھلم کھلا کیا جا رہا ہے، حالت اب یہ ہو گئی ہے کہ شیڈول کاسٹ اور شیڈول ٹرائب سے زیادہ مسلمانوں کو کچلنے اور دبانے کی کوشش کی جا رہی ہے۔ ان تمام موضوعات کو لے کر ہی ہم بھارت کے مسلمانوں نے اس مہا پنچائت کو منعقد کرنے کا فیصلہ کیا ہے جو دارالحکومت دہلی کے رام لیلا میدان میں 29 اکتوبر کی صبح 11 بجے منعقد ہوگی۔