مشاورت صدر نے راجناتھ سنگھ سے بھارتی فوج کے ذریعہ اسپتال بنانے کا مطالبہ کیا

مشاورت صدر نوید حامد نے ای ٹی وی بھارت کے نمائندے سے بات کرتے ہوئے کہا کہ وزیر دفاع راجناتھ سنگھ خود اس بات کو قبول کر رہے ہیں کہ کورونا کے باعث دہلی میں حالات بے حد خراب ہیں۔ اس لیے انہیں دہلی کے سینٹرل زون اور شمال مشرقی دہلی کے رام لیلا گراونڈ میں بھارتی فوج کے ذریعہ میک شفٹ اسپتال بنانا چاہیے۔

آل انڈیا مسلم مجلس مشاورت کے صدر نوید حامد نے وزیر دفاع راجناتھ سنگھ کو خط لکھ کر دہلی میں کورونا وائرس سے بگڑتے ہوئے حالات پر قابو پانے کے لیے فوج کے ذریعے اسپتال بنانے کا مطالبہ کیا ہے۔

مشاورت صدر نوید حامد نے ای ٹی وی بھارت کے نمائندے سے بات کرتے ہوئے کہا کہ وزیر دفاع راجناتھ سنگھ خود اس بات کو مان رہے ہیں کہ کورونا کے باعث دہلی میں حالات بے خراب ہیں۔ اس لیے انہیں دہلی کے سینٹرل زون اور شمال مشرقی دہلی کے رام لیلا گراونڈ میں بھارتی فوج کے ذریعے میک شفٹ اسپتال بنائے جائیں۔

انہوں نے مزید کہا کہ اگر رام لیلا گراونڈ میں ان اسپتال کو بنانے میں کچھ دشواریوں کا سامنا ہو تو دہلی میں سرکاری اسکولوں کی بھی کمی نہیں ہیں جہاں اس طرح کے انتظامات کیے جا سکتے ہیں۔

نوید حامد نے مزید کہا کہ نہ صرف دہلی میں بلکہ ریاست اتر پردیش میں بھی اس طرح کے اقدامات کرنے کی ضرورت ہے اور یہ تب تک ممکن نہیں ہے جب تک مرکزی وزیر راجناتھ سنگھ اس کا حکم نہیں دیتے۔انہوں نے کہا بھارتی فوج کے لیے میک شفٹ اسپتال بنانا کوئی بڑی بات نہیں ہے بلکہ اگر انہیں حکم دے دیا جاتا ہے تو وہ دو دن میں ہی اسپتال تیار کر دیں گے اور فوج کے پاس وینٹی لیٹر اور آکسیجن بیڈز کی کمی بھی نہیں ہے اس سے ملک میں کورونا سے ہو رہی اموات کی تعداد میں کمی آ سکتی ہے۔