اترپردیش کے ضلع ہاتھرس میں ایک 19 سالہ لڑکی کے ساتھ اجتماعی جنسی زیادتی کے واقعہ نے سب کو جھنجھوڑ کر رکھ دیا ہے اور یہ معاملہ روز بروز شدت اختیار کرتا جارہا ہے۔
اس واقعے کے خلاف متعدد سیاسی ،سماجی اور مختلف این جی او کا مسلسل احتجاج و مظاہرہ جاری ہے۔
اس سلسلے میں نوئیڈا کی معروف سماجی تنظیم الفلاح ہیومینٹی کونسل نے ہاتھرس متاثرہ کی یاد میں نوئیڈا سیکٹر 22 چوڑا موڑ سمترا اسپتال سیکٹر 22 سے اڈوب چوراہے کینڈل مارچ کیا اور متوفی کو خراج عقیدت پیش کیا۔
تنظیم کی قومی صدر ڈاکٹر زینت انصاری نے اس موقع پر کہا کہ قاتلوں کو فوری طور پر پھانسی کے پھندے پر لٹکایا جائے تا کہ دنیا کے لیے عبرت ہو اور متاثرہ کے اہل خانہ کو انصاف مل سکے۔
ان کے ہمراہ ریحانہ علی ، جاوید خان ، ایس ڈی خان ، ساجد علی ، دلشاد انصاری ، محمد زید حسن ، محمد عرفان ، گلاب خان وغیرہ موجود تھے۔