kejriwal Govt Against Urdu Policy دہلی کے اسکول میں طلبا کو اردو تعلیم سے روکنا گاندھی جی کی زبان کے ساتھ تفریق، کلیم الحفیظ

آل انڈیا مجلس اتحاد المسلمین کے دہلی صدر کلیم الحفیظ نے كہا كہ 'پوری دنیا میں دہلی کے ایجوکیشن ماڈل کی دہائی دینے والے کجریوال کے ماڈل میں اردو پڑھنے کی اجازت نہیں ہے۔ طلبہ كو اردو زبان سے دور كرنا قابل مذمت ہے۔' kejriwal Govt Against Urdu Policy

آل انڈیا مجلس اتحاد المسلمین کے دہلی صدر کلیم الحفیظ نے ای ٹی وی بھارت سے خصوصی گفتگو كے دوران كہا كہ دہلی حکومت کی اردو دشمنی آہستہ آہستہ سامنے آ رہی ہے۔ اس کی تازہ مثال سلیم پور کے پنڈت مدن موہن مالویہ اسکول برہم پوری کے گیارہویں اور بارہویں جماعت کے طلباء کو اردو زبان کی تعلیم سے روکنا ہے۔ پوری دنیا میں دہلی کے ایجوکیشن ماڈل کی دہائی دینے والے کجریوال کے ماڈل میں اردو پڑھنے کی اجازت نہیں ہے۔ aimim reaction kejriwal govt against urdu policy

کلیم الحفیظ نے کیجریوال حکومت تعلیمی پالیسی کی شدید تنقید کرتے ہوئے کہا کہ بابائے قوم مہاتما گاندھی کو اسی عام آدمی پارٹی نے چالاکی کے ساتھ سرکاری دفاتر سے نکال باہر کیا اور اب مہاتما گاندھی جس زبان میں لکھا کرتے تھے اس زبان پر حملہ کیا جارہا ہے۔ عام آدمی پارٹی خود كو سیكولر كہتی ہے لیكن ان میں سیكولرزم نام كی كوئی چیز نہیں ہے اور آہستہ آہستہ سامنے آنے لگی ہے۔باپو کی زبان کے ساتھ بھید بھاؤ اور تفریق برداشت نہیں کی جائے گی۔ مجلس اس کے خلاف آواز اٹھائے گی۔

کلیم الحفیظ نے کہا کہ سچائی یہ ہے کہ بی جے پی اور عام آدمی پا رٹی میں کوئی فرق نہیں ہے۔دونوں ایك ہی سكے دو پہلو ہے۔ اس کرتوت سے عآپ کے کنوینر اروند کجریوال کی فرقہ پرستی اور بھگوا گیری بے نقاب ہوگئی ہے۔دہلی میں دہلی آفیشیل لینگویج ایکٹ 2000کے تحت اردو کو دوسری سرکاری زبان کا درجہ حاصل ہے او ر سہ لسانی فارمولہ کے تحت دہلی کے طلباء کو اردو پنجابی جیسی زبانوں کو پڑھنے کا حق ہے اور دہلی میں کسی بھی اسکول میں اگر اردو پڑھنے والے دس طلباء ہوں تو اساتذہ کی تقرری ضروری ہوتی ہے لیکن موجودہ اروند کجریوال سرکار تمام قوانین اور ضابطوں کو توڑ کر اردو کے ساتھ ناانصافی کررہی ہے۔

ایم آئی ایم کے دہلی صدر نے کہا کہ خود سردار بھگت سنگھ جن کی تصویرباپومہاتما گاندھی کی فوٹو ہٹاکر عام آدمی پارٹی نے سرکاری دفاتر میں لگائی ہے ان کی زبان پر اردو زبان کے شعر ہوتے تھے وہ زبان جو ملک کی آزادی کے ساتھ جڑی ہو جس زبان نے جے ہند، انقلاب زندہ باد کا نعرہ دیا ہوں اس زبان کے ساتھ تفریق کا گناہ دہلی حکومت کررہی ہے۔ آخر کیوں دہلی حکومت اردو پڑھنے کی اجازت نہیں دے رہی کس قانون کے تحت اردو پڑھنے سے روکا جارہا ہے ۔ اروند کجریوال نے دہلی میں اردو اساتذہ کی تقرری کے لئے تفریق پر مبنی پالیسی بنائی تھی جس کی وجہ سے دہلی اردو اساتذہ کی تقرری پندرہ فیصد ہوسکی آج دہلی میں اردو ٹیچر نہیں ہیں،دہلی اردو اکیڈمی میں 44کی جگہ صرف چار افراد ہی مستقل ملازمین ہیں آخر محکمہ آرٹ اییڈ کلچر سے ارد و ڈیسک کیوں ختم کردی گئی۔

کلیم الحفیظ نے کہا کہ جس طرح سے بی جے پی کو اردو زبان برداشت نہیں ہے اسی راہ پر عام آدمی پارٹی چل رہی ہے سچائی یہ ہے کہ مسلم دشمنی میں بی جے پی کے ساتھ عام آدمی پارٹی بھی شامل ہے۔ہمارا مطالبہ ہے کہ دہلی حکومت محکمہ تعلیم کو فوری طورپر ہدایت جاری کرے کہ طلباء کو اردوٹیچر فراہم کی جائے اور جن اسکولوں میں جانے انجانے میں اردو کو ختم کیا جارہا ہے وہاں اردو کی پڑھائی شروع کی جائے۔aimim reaction kejriwal govt against urdu policy