آل انڈیا انسٹی ٹیوٹ آف میڈیکل سائنس ایمس آر ڈی اے ڈاکٹروں نے خون کے عطیات سے متعلق آگاہی پھیلانے کے لئے سائیکل ریلی نکالی۔ یہ ریلی ایمس ہسپتال سے انڈیا گیٹ تک جائے گی۔ اس کے بعد دوبارہ ایمس ہسپتال واپس آئے گی۔ اس سائیکل ریلی کا مقصد 14 جون کو ہونے والے خون عطیہ کیمپ کے بارے میں لوگوں کو آگاہ کرنا ہے۔
سائیکل ریلی کے دوران ڈاکٹروں نے 14 جون کو لگائے جانے والے خون کے عطیہ کیمپ میں بڑھ چڑھ کر شامل ہونے کی اپیل کی ہے۔ ڈاکٹروں نے بتایا کہ جو لوگ کورونا سے متاثر ہوئے ہیں، وہ بھی 22 دن کے بعد خون کا عطیہ کرسکتے ہیں۔ وہیں جن لوگوں نے ویکسین لگوائی ہے، وہ 14 دن کے بعد خون کا عطیہ کرسکتے ہیں۔