دِناکرَن سے ملاقات پر راج ورمن پارٹی سے خارج

تامل ناڈو میں برسراقتدار اے آئی اے ڈی ایم کے‘ کے موجودہ رکن اسمبلی ایم ایس آر راج ورمن پارٹی ٹکٹ سے محروم ہونے سے مایوسی میں سابق وزیراعلیٰ جے للیتا کی قریبی وی کے ششی کلا کے بھتیجے اور اے ایم ایم کے بانی ٹی ٹی وی دنا کرن سے ملاقات مہنگی پڑی کیونکہ پارٹی نے انھیں باہر کا راستہ دکھا دیا ہے۔

سنہ 2016 میں ہوئے الیکشن میں راج ورمن نے ستُّور اسمبلی حلقے سے جیت درج کی تھی۔ اے آئی اے ڈی ایم کے سے معطل ششی کلا نے سیاست سے سبکدوش ہونے کا فیصلہ کیا ہے جبکہ دناکرن میدان میں موجود ہیں۔

کچھ گھنٹوں کے بعد وزیراعلیٰ اور اے آئی اے ڈی ایم کے شریک کوآرڈینیٹر ای کے پلانی سوامی اور نائب وزیراعلیٰ اور اے آئی اے ڈی ایم کے‘ کے کوآرڈینیٹر او پنّیرسیلوم نے مشترکہ بیان جاری کرکے کہا کہ پارٹی مخالف سرگرمیوں میں ملوث ہونے کے الزام میں پارٹی کی بنیادی رکنیت سے معطل کر دیا گیا ہے۔

انہوں نے کہا کہ ستور سے رکن اسمبلی نے جس طریقے سے کام کیا، اس سے پارٹی کے تئیں عدم اتفاق اور پارٹی ڈسپلن کی بھی خلاف ورزی معلوم ہوتی ہے۔ پارٹی کے وِردھونگر سے بھی رکن اسمبلی رہ چکے راج ورمن کو پہلے پارٹی کی بنیادی رکنیت سے خارج کر دیا گیا ہے۔

انتخابات کے لیے امیدواروں کی فہرست جاری کرتے ہوئے اے آئی اے ڈی ایم کے نے تین وزراء اور 44 موجودہ اراکین اسمبلی کو ٹکٹ نہیں دیے جبکہ پارٹی کے سینیئر رہنماؤں اور پارٹی کے قد آور رہنما نامزد بھی کیے گئے ہیں۔