دہلی یونیورسٹی میں بھی پولیس کی مبینہ زیادتی

جامعہ ملیہ اسلامیہ پر پولیس کی بربریت کے بعد اب دہلی دہلی یونیورسٹی میں طلباء پر پولیس نے لاٹھیاں برسائی جس کی وجہ سے کئی طلباء زخمی ہوئے جبکہ متعدد کو پولیس نے حراست میں لے لیا۔

اس کے بعد دہلی یونیورسٹی کے باہر ایس ایف آئی اے، آئی ایس اے اور دیگر طلباء جماعتوں نے پر زور احتجاج کیا تو دوسری جانب اے بی وی پی اور این ایس یو آئی نے بھی اپنا احتجاج درج کرایا۔

واضح رہے کہ گزشتہ روز شہریت ترمیم قانون کے خلاف جس طرح سے جامعہ ملیہ اسلامیہ میں احتجاج کر رہے طلبا پر پولیس کی جانب سے طلبا پر لاٹھی چارج کرنے نیز کیمپس میں گھسنے اور آنسو گیس کے گولے داغنے کی بات سامنے آئی تھی، اس میں کئی طلباء زخمی ہوئے ہین اور اس معاملے نے پورے ملک کو ہلا کر رکھ دیا۔

دہلی پولیس کی اس حرکت کے بعد دہلی یونیورسٹی کے طلباء نے بھی احتجاج شروع کیا، دہلی یونیورسٹی کے طلبا کا کہنا ہے کہ آخر پولیس کو یہ حق کس نے دیا کہ وہ جامعہ کے کیمپس میں داخل ہو کر طلباء پر لاٹھی چارج کرے۔