طویل قانونی جد وجہد کے بعد "کربلا" کمرشیئل قبضے سے آزاد

بھارتی دار الحکومت دھلی میں واقع کربلا جورباغ دہلی کی انتہائی قیمتی وقف اراضی میں شمار کی جاتی ہے، وقف کی اس زمین کو ناجائز قبضہ سے آزاد کرا لینا اپنے آپ میں ایک مثالی کارنامہ ہے۔

ملک بھر میں ہزاروں وقف اراضی ناجائز قبضوں کی شکار ہیں، سیکڑوں میں عدالتی اور قانونی لڑائی چل رہی ہے۔

اکثر بھت کم ہوتا ہے کہ وقف کی کوئی زمین ناجائز قبضہ سے آزاد ہوگئی ہو، تاہم بھارت کی دارالحکومت دہلی میں واقع کربلا جورباغ 45 سالہ قبضے سے پاک ہوگئی۔

خیال رہے کہ یہ دہلی کی سب سے پاش علاقہ لودھی روڈ سے متصل بی کے دتہ کالونی میں واقع ہے۔ بلا آخر کربلا کی اس مہنگی زمین کو 18سال کی قانونی لڑائی کے بعد آزاد کرا لیا گیا ہے۔

عدالت نے نہ صرف قابضین کو زمین خالی کرنے کی ہدایت دی ہے بلکہ تقریبا 7 کروڑ روپے جرمانہ بھی ادا کرنے کے احکامات جاری کئے ہیں۔

قابل ذکر بات یہ ہے کہ انجمن حیدری کو قانونی اخراجات کے طور پر تقریبا ڈیڑھ کروڑ روپے ادا کرنے کا حکم دیا گیا ہے۔