'غیر ملکی سرمایہ کاری کے لئے چھوٹی صنعت جدید ٹیکنالوجی اپنائیں'

مائیکرو، چھوٹی اور درمیانی صنعت کے مرکزی وزیر نتن گڈکری نے بدھ کو کہا کہ چھوٹی صنعتوں کو غیر ملکی سرمایہ کاری کو اپنی طرف متوجہ کرنے کے لئے جدید ٹیکنالوجی اپنانی چاہئے جس سے کورونا وبا سے بہتر طریقے سے نمٹا جا سکے۔

مسٹر گڈکری نے یہاں صنعت کی تنظیموں کے نمائندوں سے ویڈیو کانفرنسنگ کے ذریعے خطاب کرتے ہوئے کہا کہ جدید ٹیکنالوجی نہ صرف پیداوار میں اضافہ، معیار کو یقینی بنانے، اخراجات میں کمی اور ماحول دوست ہو گی بلکہ غیر ملکی سرمایہ کاری کو اپنی طرف متوجہ کرنے میں بھی مددگار ہو گی۔

انہوں نے کہا کہ چھوٹی صنعتوں کے لئے وزیر اعظم ریلیف پیکیج کا استعمال دوبارہ پیداوار شروع کرنے اور مرکزی دھارے میں واپس کرنے کے لئے کیا جانا چاہئے۔

انہوں نے کہا کہ یہ امدادی پیکیج چھوٹی صنعتوں کے لئے بہت منافع بخش ہو جائے گا اور اس سے تقریباً چھ لاکھ چھوٹی صنعتوں کی تشکیل نو کی جائے گی۔

چھوٹی صنعتوں کی سرمایہ جاتی بحران پر مسٹر گڈکری نے کہا کہ ان کی زیر التواء ادائیگیوں کو 45 دن کے اندر چکا دینے کی ہدایت دی گئی ہے۔ بڑی صنعتوں سے بھی یہ اپیل کی گئی ہے۔ انہوں نے کہا کہ چھوٹی صنعتوں کو درج کرانے میں حکومت کی مدد کرے گی۔