جاوڈیکر کو صنعت کی وزارت کا اضافی چارج

صدر رام ناتھ کووند نے وزارت ہیوی انڈسٹریز اینڈ پبلک انٹرپرائزز کا اضافی چارج وزیر اطلاعات و نشریات پرکاش جاوڈیکر کو سونپا ہے۔

واضح رہے کہ یہ عہدہ شیوسینا کے اروند ساونت کے مرکزی کابینہ سے مستعفیٰ ہونے کی وجہ سے خالی ہوگیا تھا۔

راشٹرپتی بھون سے جاری کردہ ایک پریس ریلیز میں کہا گیا ہے کہ وزیراعظم کے مشورے کے مطابق صدر نے مرکزی وزیر پرکاش جاوڈیکر کو ہدایت دی ہے کہ وہ اپنی موجودہ وزارت کے علاوہ بھاری صنعت اور پبلک انٹرپرائزز کی وزارت کا اضافی چارج بھی سنبھالیں۔

خیال رہے کہ پرکاش جاوڈیکر مرکزی اطلاعات و نشریات بھی ہیں، جبکہ انہوں نے اس مودی1 میں وزارت برائے فروغ انسانی وسائل بھی رہ چکے ہیں۔