دہلی: شاہین باغ میں چندہ کے بہانے چوری کرنے والا گرفتار

پولیس کے مطابق چوری کے ایک معاملے میں تفتیش کے بعد اخلاق نام کے ملزم نے بتایا کہ وہ مسلم آبادی والے علاقوں میں مدرسوں کا چندہ جمع کرنے کی آڑ میں چوریاں کرتا ہے۔

دہلی کے جنوبی مشرقی ضلع کے تھانہ شاہین باغ کی ٹیم نے چندہ مانگنے کے نام پر گھر میں داخل ہونے والے چور کو گرفتار کرلیا ہے، جس کی شناخت اخلاق کے طور پر ہوئی ہے۔ اس کا تعلق بجنور، اتر پردیش سے ہے۔

ساؤتھ ایسٹرن ڈسٹرکٹ پولیس ڈپٹی کمشنر آر پی مینا کو جمعرات کو بتایا کہ 10 جولائی کو شاہین باغ پولیس اسٹیشن میں گھر میں چوری کے سلسلے میں ایک پی سی آر کال موصول ہوئی۔ پولیس اہلکار فوری طور پر موقع پر پہنچا اور شکایت کنندہ سے ملا۔ شکایت کنندہ نے بتایا کہ وہ صبح آٹھ بجے کے قریب سو رہی تھی جب کوئی اس کے احاطے میں داخل ہوا اور میز پر رکھے دو موبائل فون چوری کرکے لے گیا۔ اس معاملے میں ایف آئی آر درج کی گئی۔

انہوں نے کہا کہ جرم کی سنگینی کا اندازہ لگاتے ہوئے شاہین باغ تھانہ انچارج کی قیادت میں ایس آئی سشیل کمار، اے ایس آئی ناصر، ہیڈ کانسٹیبل رویندر، کانسٹبل سریندر اور کانسٹیبل روشن کی قیادت میں ایک ٹیم تشکیل دی گئی۔

ٹیم نے آس پاس نصب سی سی ٹی وی کیمروں کا تجزیہ کیا اور ملوث ملزمان کی فوٹیج اکٹھی کیں۔ چوری شدہ موبائل فونز کے موبائل نمبر سرویلانس میں رکھے گئے ہیں۔

تفتیش کے دوران پتہ چلا کہ جو موبائل فون آخری بار مصطفی آباد کے علاقے میں فعال تھا، اس کے بعد موبائل فون بند کردیا گیا۔ اس کے بعد شمال مشرقی دہلی کے مصطفی آباد علاقے میں سرچ آپریشن کیا گیا۔ ٹیم کی کوشش کا کوئی نتیجہ نہیں نکلا۔

دریں اثناء 29 اگست کو ایک موبائل فون کچھ نمبر پر ایکٹیو پایا گیا۔ جب اس نمبر کو چیک کیا گیا تو پتہ چلا کہ سم بجنور کے کیرت پور کے رہائشی نواب حسین کے نام پر رجسٹرڈ کیا گیا ہے۔

تحقیقاتی ٹیم نے فوری طور پر کیرت پور پر چھاپہ مارا اور اس شخص سے پوچھ گچھ کی گئی۔ اس نے بتایا کہ اس نے مذکورہ موبائل فون اپنے ایک دوست اخلاق سے خریدا تھا۔ اس کے بعد پولیس نے ملزم اخلاق کو کیرت پور میں اس کی رہائش گاہ سے گرفتار کیا۔ اس کے پاس سے دو موبائل فون ضبط کیے گئے۔

پولیس کے مطابق مسلسل تفتیش کے بعد ملزم اخلاق نے بتایا کہ وہ غریب ہے۔ وہ اپنی روزی کمانے کے لیے مسلم آبادی والے علاقوں سے مدرسوں کے لیے چندہ جمع کرتا ہے۔ اس طرح وہ آسانی سے گھر میں داخل ہوتا ہے اور موقع پا کر چوریاں کرتا ہے۔

اس کے بعد وہ موقع کے لحاظ سے گھر میں چوریاں کرتا ہے۔ اس نے اعتراف کیا کہ 10 جولائی کو وہ ایک مدرسے کے لیے چندہ لینے کے بہانے ایک گھر میں داخل ہوا۔

جب اس نے دیکھا کہ مکان مالکن سو رہی ہے تو اس نے وہاں سے بارہ ہزار روپے اور دو موبائل فون چرا لیے۔ اس نے چوری کی رقم اپنے موج مستی پر خرچ کر دیجئے اور ایک موبائل فون اپنے دوست کو فروخت کر دیا۔

یو این آئی