دہلی کے وزیراعلی پر رشوت کا الزام

مغربی دہلی سے اس بار عام آدمی پارٹی نے بلوير سنگھ جاکھڑ کو امیدوار بنایا ہے لیکن اب بلوير سنگھ جاکھڑ کے بیٹے اودے جاکھڑ نے ایک بیان دے کر سنسنی پیدا کر دی ہے۔

دارالحکومت دہلی میں 12 مئی کو ووٹنگ ہے اور ٹھیک ووٹنگ سے پہلے عام آدمی پارٹی کے کنوینر اور دہلی کے وزیراعلیٰ اروند کیجریوال پر ان ہی کے امیدوار کے بیٹے نے سنگین الزام عائد کیا ہے۔

بلویندر سنگھ کے بیٹے اودے جاکھڑ نے کہا کہ دہلی کے وزیراعلی اروند کیجریوال نے چھ کروڑ روپے میں میرے والد کو مغربی دہلی سے عام آدمی پارٹی کا امیدوار بنایا ہے۔

اس کے ساتھ ہی ان کے بیٹے نے یہ بھی کہا کہ میرے پاپا نے مجھے تعلیم کے لیے پیسے نہیں دیے لیکن ٹکٹ خرید لیا۔

اودے جاکھڑ نے مزید کہا کہ میں یہ بات آج اس لیے کہہ رہا ہوں کیونکہ اب انتخابی مہم ختم ہو چکی ہے اور وہ مجھے جھوٹا نہیں ٹھہرا سکتے۔