قومی دارالحکومت دہلی میں کیجریوال حکومت کے وزیر گوپال رائے نے آج ایک پریس کانفرنس سے خطاب کرتے ہوئے کہا کہ عام آدمی پارٹی اسمبلی انتخابات کے لیے مکمل طور پر تیار ہیں۔
پچھلے کام رہیں گے جاری نئے کام کی ہے تیاری انہوں نے کہا کہ ہم اب آٹھ فروری کا انتظار کر رہے ہیں، جس دن دہلی کی عوام عام آدمی پارٹی کو ایک بار پھر سے ووٹ دیکر کامیاب بنائے گی۔
انہوں نے کہا کہ اس بار عوام کے درمیان گذشتہ پانچ برسوں میں کرائے گیے کاموں کے لیے ووٹ مانگنے جائیں گے۔
انہوں نے کہا کہ گذشتہ کام رہیں گے جاری نئے کام کی ہے تیاری، یہ ہماری پنچ لائن رہے گی۔
خیال رہے کہ پانچ برس قبل جب اسمبلی انتخابات میں عام آدمی پارٹی نے پہلی دفعہ کامیابی حاصل کی تھی، تب کانگریس دہلی میں ایک بھی سیٹ نہیں جیت پائی تھی، جبکہ بی جے پی تین سیٹوں پر ہی سمٹ کر رہ گئی تھی۔
