دہلی: مکمل ریاست کے درجے سے متعلق آپ کی درخواست مسترد

دہلی ہائی کورٹ نے آج ایک مفاد عامہ کی عرضی کو مسترد کر دیا جس میں دہلی کے وزیر اعلی اروند کیجریوال پر دہلی کو مکمل ریاست کا درجہ دینے کے وعدے پر روك لگانے کی ہدایت جاری کیے جانے کی اپیل داخل کی گئی تھی۔

چیف جسٹس راجندر مینن اور جسٹس انوپ جے رام بھمبھانی کی بینچ نے درخواست مسترد کرنے سے متعلق یہ حکم منظور کیا۔

انل دت شرما نے اس مفاد عامہ کی عرضی میں الزام لگایا تھا کہ مکمل ریاست کا درج دیے جانے کا وعدہ کرکے کیجریوال لوگوں کو گمراہ کر رہے ہیں۔

شرما نے اپنی درخواست میں کہا تھا کہ عام آدمی پارٹی اور کیجریوال دہلی کو مکمل ریاست کا درجہ دیے جانے کی بات کا وعدہ اشتہارات کے ذریعے کر رہے ہیں اور وہ اس بات سے بھی پوری طرح واقف ہیں کہ اگر وہ تمام پارلیمانی سیٹیں جیت بھی لیں تو دہلی کو مکمل ریاست کا درجہ نہیں دیا جا سکتا۔

انہوں نے کہا کہ اروند کیجریوال پر یہ بھی الزام لگایا ہے کہ' انھوں نے جو بات کہی ہے وہ صرف سیاسی فائدے کے لیے کہی ہے اور یہ جھوٹ ہے کیونکہ اسے مکمل ریاست کا درجہ دینے کے لیے لوک سبھا کے کم از کم دو تہائی ارکان کی اکثریت سے آئین میں ترمیم منظور کی جانی ضروری ہے جبکہ مدعا علیہ دہلی میں صرف سات سیٹوں پر انتخاب لڑ رہے ہیں۔