بی جے پی نے میرے گھر پر حملہ کرایا: سنجے سنگھ

عام آدمی پارٹی کے راجیہ سبھا رکن سنجے سنگھ نے کہا ہے کہ ان کے گھر پر حملہ ہوا ہے۔ سنجے سنگھ نے اس بارے میں ایک ٹویٹ کیا ہے جس میں انہوں نے لکھا ہے کہ میرے گھر پر حملہ ہوا ہے اور انہوں نے اس کے لئے بی جے پی کو ذمہ دار ٹھرایا ہے۔ وہیں پولیس نے دو ملزمان کو حراست میں لے لیا ہے۔

عام آدمی پارٹی کے راجیہ سبھا کے ممبر پارلیمنٹ سنجے سنگھ رام مندر کی تعمیر کے لئے خریدی گئی زمین میں گھوٹالہ کے الزامات کے سلسلے میں گذشتہ دو روز سے رام جنم بھومی تیریتھ ٹرسٹ اور بی جے پی کے خلاف حملہ آور ہیں۔ ادھر سنجے سنگھ نے ٹویٹ کیا ہے، جس میں انہوں نے لکھا ہے کہ ان کے گھر پر حملہ ہوا ہے۔

سنجے سنگھ نے اس ٹویٹ میں لکھا ہے کہ 'میرے گھر پر حملہ ہوا ہے۔ کان کھول کر سن لو بھاجپائیوں، چاہے جتنی غنڈہ گردی کر لو، میں لارڈ شری رام کے نام پر بننے والے مندر میں چندا چوری نہیں کرنے دوں گا۔'اس کے لیے چاہے میرا قتل کیوں نہ ہو جائے۔

عآپ رکن پارلیمنٹ سنجے سنگھ کا الزام- بی جے پی نے میرے گھر پر حملہ کرایا

دوسری طرف سابق مرکزی وزیر یشونت سنہا نے سنجے سنگھ کے گھر پر ہوئے حملے کی شدید مذمت کی اور اس حملے کو فاشزم قرار دیا۔

سنجے سنگھ کے گھر پر ہوئے حملے کو لے کر نئی دہلی ضلع ڈی ایس پی دیک یادو نے اپنا بیان جاری کیا ہے۔

عآپ رکن پارلیمنٹ سنجے سنگھ کا الزام- بی جے پی نے میرے گھر پر حملہ کرایا

انہوں نے کہا ہے کہ رکن پارلیمنٹ کے گھر کے باہر نیم پلیٹ خراب کرنے کی کوشش کی گئی ہے۔ پولیس نے دو افراد کو حراست میں لیا ہے۔ اس واقعے میں کسی کو تکلیف نہیں ہوئی۔

وہیں پولیس پورے معاملے کی تحقیقات کر رہی ہے۔