پرکاش جروال نے عدالت میں ضمانت کی عرضی دائر کی

عام آدمی پارٹی کے دہلی کے دیولی سے رکن اسمبلی پرکاش جروال نے دہلی کے راؤز ایونیو عدالت میں ضمانت کی عرضی داخل کر دی ہے۔ پرکاش جروال کو کچھ عرصہ قبل دہلی پولیس نے ڈاکٹر کی خودکشی سے متعلق ایک کیس میں گرفتار کیا تھا۔

دارالحکومت دہلی میں ڈاکٹر کی خودکشی کے معاملے میں جیل میں بند عام آدمی پارٹی کے رکن اسمبلی پرکاش جروال نے دہلی کے راؤز ایونیو عدالت میں ضمانت کی عرضی دائر کر دی ہے۔ 17 مئی کو راؤز ایونیو عدالت نے پرکاش جروال اور ان کے ساتھی کپل ناگر کو 14 دن کے لیے عدالتی تحویل میں بھیج دیا۔

گذشتہ 14 مئی کو عدالت نے پرکاش جروال اور کپل ناگر کو 17 مئی تک پولیس تحویل میں بھیج دیا تھا۔ 10 مئی کو عدالت نے پرکاش جروال اور ناگر کو 14 مئی تک پولیس تحویل میں بھیج دیا۔ گذشتہ 8 مئی کو عدالت نے پرکاش جروال اور کپل نگر کے خلاف ناقابل ضمانت وارنٹ جاری کیا تھا۔ بتا دیں کہ جروال کو 9 مئی کو دہلی پولیس نے گرفتار کیا تھا۔

18 اپریل کو ڈاکٹر راجندر سنگھ نے خودکشی کرلی تھی۔ ڈاکٹر نے اپنے گھر میں پھانسی کا پھندا لگا کر خودکشی کرلی تھی۔ پولیس نے ڈاکٹر کے پاس دو صفحوں کا خودکش نوٹ برآمد کیا تھا۔ خودکش نوٹ میں پرکاش جروال اور کپل ناگر کو ذمہ دار ٹھہرایا گیا تھا۔ پولیس نے ایک ڈائری بھی برآمد کرلی ہے۔ ڈائری میں پرکاش جروال پر رقم کا مطالبہ کرنے کا الزام عائد کیا گیا ہے۔