Sisodia Attacks BJP: بی جے پی جھوٹے کیس میں مجھے جیل میں ڈالنا چاہتی ہے، سسودیا

دہلی کے نائب وزیر اعلیٰ منشی سسودیا سی بی آئی کے سامنے پیش ہونے سے قبل راج گھاٹ گئے اور مہاتما گاندھی کی سمادھی پر پھول چڑھائے۔ Manish Sisodia CBI Investigation

دہلی:دہلی کے نائب وزیر اعلیٰ منیش سسودیا نے دعویٰ کیا کہ ’’گجرات میں آئندہ اسمبلی انتخابات میں عام آدمی پارٹی (عآپ) کی حکومت معرض وجود میں آئے گی۔ جس کی وجہ سے بھارتیہ جنتا پارٹی (بی جے پی) بری طرح گھبرا رہی ہے اور اس لیے جھوٹے مقدمے دائر کرکے مجھے جیل میں ڈالنا چاہتی ہے لیکن میں بھگت سنگھ کا پیروکار ہوں، جیل جانے سے نہیں ڈرتا۔‘‘ AAP leader Manish Sisodia Attacks BJP

سسودیا سنٹرل بیورو آف انوسٹی گیشن (سی بی آئی) کے سامنے پیش ہونے سے پہلے راج گھاٹ گئے اور مہاتما گاندھی کی سمادھی پر پھول چڑھائے۔ اس موقع پر انہوں نے کہا کہ ’’آج ملک قربانی مانگ رہا ہے۔ ملک کی آزادی کو 75 سال ہو چکے ہیں لیکن ان لوگوں نے ہمارے بچوں کے لیے اسکول نہیں بنائے، اچھے سرکاری اسپتال نہیں بنائے، نوجوانوں کو بے روزگار کردیا۔ ہم نے گزشتہ سات برسوں میں دہلی میں شاندار کام انجام دئے۔‘‘ ریاست پنجاب کے حوالہ دیتے ہوئے سسودیا نے کہا: ’’پنجاب میں بھی گزشتہ چند ماہ میں بہت اچھا کام ہوا ہے۔ دہلی اور پنجاب کے کام سے تحریک پا کر گجرات کے ایک، ایک ووٹر کے ذہن میں یہ امید پیدا ہوئی ہے کہ اگر دہلی کے اسکول اچھے ہو سکتے ہیں تو گجرات کے اسکول بھی اچھے ہو سکتے ہیں۔ گجرات کا ایک، ایک آدمی سوچ رہا ہے کہ اگر دہلی اور پنجاب کے سرکاری اسپتال اچھے ہو سکتے ہیں تو گجرات کے سرکاری اسپتال بھی اچھے ہو سکتے ہیں۔‘‘ Manish Sisodia on Gujarat Assembly Polls

سسودیا نے مزید کہا ’’آج گجرات میں لوگ عام آدمی پارٹی کی طرف بڑی امید سے دیکھ رہے ہیں۔ اس لیے وہ (بی جے پی) مجھے جیل میں ڈالنے کی تیاری کر رہے ہیں۔ وہ سمجھتے ہیں کہ اگر میں گجرات جاؤں گا تو لوگوں کی ایک شاندار سرکاری اسکول بننے کی امید مضبوط ہوگی۔‘‘ سسودیا کے مطابق ’’میں جب بھی گجرات گیا، گجرات کے لوگوں نے کہا کہ دہلی کی طرح ہم بھی عام آدمی پارٹی کو ووٹ دیں گے اور اس کی حکومت بنائیں گے۔ گجرات میں بی جے پی بری طرح ہار رہی ہے اور یہاں عام آدمی پارٹی کی حکومت بن رہی ہے۔ اس کی وجہ سے بی جے پی خوفزدہ ہے اور اس لیے میرے خلاف جھوٹے مقدمات قائم کرکے مجھے جیل میں ڈالنا چاہتی ہے، لیکن میں بھگت سنگھ کا پیروکار ہوں، میں جیل جانے سے نہیں ڈرتا۔ اس وقت ان شہداء نے ملک کی آزادی کے لیے قربانیاں دی تھیں اور آج ملک ایک بار قربانی مانگ رہا ہے۔ ملک اس سے سینہ تان کر قربانی مانگ رہا ہے جو جیل جانے سے نہیں ڈرتا اور مجھے فخر ہے کہ میں ملک کے لیے جیل جا رہا ہوں۔‘‘ Manish Sisodia on Gujarat Assembly elections

ڈپٹی چیف منسٹر نے مزید کہا کہ ’’آج ان کی تیاریاں مجھے جیل میں ڈالنے کی ہیں۔ اس سے پہلے بھی سی بی آئی نے میرے گھر پر چھاپہ مارا لیکن انہیں بدعوانی کا ایک بھی ثبوت نہیں ملا۔ پھر انہوں نے میرے بینک لاکر کی تلاشی لی اور وہاں بھی کچھ نہیں ملا۔‘‘ سسودیا کا کہنا ہے کہ ’’جب سی بی آئی اہلکار جائیداد کی جانچ کر رہے تھے تو انہیں یہ احساس تھا کہ انہیں جائیداد سے دستاویزات یا نقدی ملے گی، لیکن انہیں وہاں بھی کچھ نہیں ملا۔‘‘

سسودیا کا کہنا ہے کہ ’’سی بی آئی میرے گاؤں گئی اور دریافت کیا کہ کیا میں نے وہاں زمین خریدی ہے، لیکن وہاں بھی انہیں کچھ نہیں ملا۔ اس لیے اب ان کی تیاریاں ہیں کہ مجھے جیل میں ڈالیں لیکن میں جیل جانے سے نہیں ڈرتا۔ میں جانتا ہوں کہ ملک قربانی مانگ رہا ہے اور میں قربانی دینے کو تیار ہوں۔‘‘ انہوں نے کہا کہ ’’جیل جاؤں تو افسوس نہیں، یہ میرے لیے فخر کی بات ہے کہ مجھے ملک کے لیے قربانی دینے کا موقع ملا ہے۔‘‘

بھارتیہ جنتا پارٹی کو تنقید کا نشانہ بناتے ہوئے سسودیا نے کہا: ’’بی جے پی گجرات میں خوفزدہ ہے۔ اس لیے یہ ہمیں گجرات جانے سے روکنا چاہتی ہے۔‘‘ انہوں نے کہا کہ ’’میں جب بھی گجرات گیا، وہاں کے اسکولوں اور اسپتالوں کی حالت دیکھی، غریبوں کی حالت دیکھی میں نے نوجوانوں کو نوکریوں کے لیے روتے دیکھا ہے اور وہاں کے لوگوں کی بہت بری حالت دیکھی ہے۔‘‘

سسودیا نے دعویٰ کیا کہ ’’گجرات کے لوگوں کو اروند کیجریوال سے امیدیں وابستہ ہیں۔ وہاں ہم نے لوگوں سے کہا ہے کہ گجرات میں عام آدمی پارٹی کی حکومت بناؤ، تو آپ کے اسکول اور اسپتال اتنے ہی اچھے ہوں گے جتنے اچھے دہلی کے اسکول اور اسپتال ہیں۔ گجرات میں بھی بجلی کے بل زیرو آئیں گے۔ یہاں بھی ایماندارانہ طرز پر نوکریاں ملیں گی۔ وہاں کے لوگ عام آدمی پارٹی پر بھروسہ کرنے لگے ہیں۔ یہی وجہ ہے کہ وہاں بی جے پی بری طرح ہار رہی ہے۔ وہ ہمیں جیل میں ڈالنا چاہتے ہیں۔ میرے خلاف کچھ نہیں نکلا‘ کچھ نہیں نکلے گا۔‘‘

گجرات انتخابات کا تذکرہ کرتے ہوئے سسودیا نے دعویٰ کیا کہ ’’گجرات کا ہر بچہ الیکشن لڑ رہا ہے۔ آج گجرات کا عام آدمی الیکشن لڑ رہا ہے۔ اس بار گجرات کے لوگ تعلیم، صحت اور بجلی کی تحریک کی طرح الیکشن لڑ رہے ہیں۔ مجھے جیل میں ڈالنے سے گجرات میں بھارتیہ جنتا پارٹی اپنی شکست سے نہیں بچ سکے گی۔ شہید بھگت سنگھ کے راستے پر چلتے ہوئے ہم نے اسکول اور اسپتال بنائے۔ اس لیے بی جے پی اب گجرات میں اپنا اقتدار نہیں بچا سکے گی۔‘‘