کالکا جی سے رکن اسمبلی آتشی کے بعد اب دلیپ پانڈے نے بی جے پی پر حملہ بولا ہے۔ انہوں نےکہا کہ دہلی کارپوریشن میں بدعنوانی شباب پر ہے ایم سی ڈی Municipal Corporation of Delhi سرکاری زمین کو کوڑیوں کے دام میں فروخت کررہی ہے۔
دلیپ پانڈے نے کہا کہ عام آدمی پارٹی بی جے پی کے دہلی پردیش صدر آدش گپتا سے جاننا چاہتی ہےکہ جب آپ یہ تسلیم کرچکے ہیں کہ ایم سی ڈی میں واپس نہیں آنے والے ہیں تو دہلی کے عوام کو اتنا بتادیں کہ کتنا پیسہ کس کی جیب میں گیا؟
انہوں نے کہا کہ بی جے پی کوڑیوں کی قیمت میں سرکاری زمین فروخت کررہی ہے۔ بی جے پی کا ایم سی ڈی سے صفایا ہونے جارہا ہے اس لیے چراغ لے کر ڈھونڈنے پر بھی نہ ملے اتنے کم قیمت پر دہلی کی زمین فروخت کررہی ہے۔
انہوں نے کہا کہ سنجے گاندھی ٹرانسپورٹ نگر کے اندر 132 پلاٹس کو کم قیمتوں پر فروخت کرنے کی تیار کررہی ہے وہاں پر 94 پلاٹس ایسے ہیں جہاں نائٹ شیلٹر اور ٹوائلیٹ بننا طے تھے۔
دلیپ پانڈے نے مزید کہا کہ 'بی جے پی سرکاری املاک فروخت کرکے ملازمین کو تنخواہ دینے کے بجائے اپنی جیب میں ڈال رہی ہے۔ انہوں نے کہا کہ عام آدمی پارٹی ان سب معاملوں کی جانچ کروائے گی اور اس کو منظر عام پر لانے کا کام کرے گی۔