غازی پور: ائیرپورٹ پر کام کرنے والی خاتون کورونا مثبت پائی گئی

دارالحکومت دہلی کے غازی پور تھانہ کے ملاح کالونی میں کورونا انفیکشن کا معاملہ سامنا آیا ہے۔ یہاں 25 سالہ خاتون کورونا مثبت پائی گئی ہے۔ اس کے گھر کے پاس کا علاقہ پوری طرح سے سیل کر دیا گیا ہے۔

اطلاعات کے مطابق متاثرہ خاتون ائیرپورٹ پر کام کرتی ہے۔ وہ دہلی کے غازی پور تھانہ کے ملاح کالونی کی گلی نمبر 29 میں گھر والوں کے ساتھ رہتی ہے۔ ائیرپورٹ پر کام کرنے کی وجہ سے خاتون کئی دنوں تک گھر میں ہی خود کو کوارنٹین کر رکھا تھا۔ جانچ پڑتال کے بعد وہ کورونا مثبت پائی گئی۔ ابھی اس کو اسی کے گھر میں قرنطینہ میں رکھا گیا ہے۔

ریذیڈنٹ ویلفیئر ایسوسی ایشن کے صدر محمد بلال انصاری نے بتایا کہ 29 نمبر گلی کو پوری طرح سے سیل کر دیا گیا ہے۔ پولیس کو بھی تعینات کر دیا گیا ہے۔ گلی سے کسی کو بھی نکنے کی اجازت نہیں ہے۔ 29 نمبر گلی میں رہ رہے لوگوں کے لیے ضرورت کا سامان مہیا کرایا جا رہا ہے۔