وفاقی ایجنٹوں کے صحافیوں پر حملہ سے متعلق امریکی عدالت کا اہم فیصلہ

امریکہ کی ایک عدالت نے جمعہ کو ایک حکم جاری کیا ہے جس کے تحت پورٹ لینڈ میں تعینات وفاقی قانون نافذ کرنے والے ایجنٹوں کو شہر میں احتجاجی مظاہرہ کرنے والے صحافیوں اور قانونی مبصرین کے خلاف طاقت کا استعمال کرنے پر پابندی عائد کی گئی ہے۔

امریکی سیشن کورٹ نے ضلع اوریگن کے لئے امریکی سول لبرٹیز ایسوسی ایشن کے ذریعہ ایک مقدمہ کا فیصلہ سنایا، وفاقی مدعا علیہ،ان کے ایجنٹ اور ملازم اور ان کی ہدایات پر کام کرنے والے سبھی شخص کو کسی بھی صحافی یا قانونی مبصرین کے خلاف گرفتاری کی دھمکی یا جسمانی طاقت کا استعمال کرنے سے تب تک روکا جارہا ہے جب تک کی وفاقی ایجنٹ یہ ثابت نہیں کر پائے کہ مذکورہ شخص نے جرم کیا ہے۔

جج مائیکل سائمن نے واضح کیا کی ایسے اشخاص کو ایک جگہ جمع نہیں ہونے کا حکم جاری ہونے کے بعد منتشر ہونے کی ضرورت نہیں ہوگی اور ایسی صورت حال میں ان کی کوئی گرفتاری نہیں کی جائے گی۔

جج نے اپنے فیصلہ میں کہا،’’اگر صحافی یا قانونی مبصر اس جگہ پر رہنے کے بعد اتفاقی طور پر ہجوم پر قابو پانے والے آلات کے زد میں آتے ہیں تو وفاقی مدعا علیہ اس حکم کی خلاف ورزی کرنے کے ذمہ دار نہیں ہوں گے۔ یہ حکم اگلے دو ہفتے کے لئے ہے۔