اپنی بیوی اور بچوں کے ساتھ امرتسر میں کورنٹائن سعید احمد نے اپنے گھر والوں کو اپنے پریشانی بتائی کہ ان کے پاس پیسے نہیں ہیں اور یہ دن بڑی تکلیفوں میں گزر رہے ہیں۔
اس سلسلے میں پرانی دہلی میں رہنے والے سعید احمد کی والدہ کا رو رو کر برا حال ہے۔
اہل خانہ کا مطالبہ ہے کہ ان کے بچے کو امرتسر سے دہلی لانے کا حکومت انتظام کرے۔
سعید احمد کے والد شفیق الرحمان نے کہا کہ 'ہمارا بیٹا سعید چار مہینے پہلے اپنے سسرال گیا تھا۔ ایک مہینے کا اس کا ویزا تھا۔ وہ وہاں کورونا کی وجہ سے لاک ڈاون میں پھنس گیا۔ اب جب وہ انڈیا میں داخل ہوا تو پنجاب کے امرتسر میں اسے کورنٹائن کر دیا گیا جہاں اسے کرائے کے گیسٹ ہاوس میں رہنے کو کہا گیا ہے جبکہ اس کے پاس پیسے نہیں ہیں۔'
انہوں نے کہا کہ 'میری دہلی حکومت سے مانگ ہے کہ وہ میرے بیٹے اور جتنے دہلی والے وہاں کورنٹائن ہیں، ان سب کو دہلی لانے کا انتظام کریں۔'
سعید احمد کی پڑوسی مینا بیگم نے بتایا کہ 'ان کے بیٹے کے پاکستان میں لاک ڈاون کی وجہ سے پھنسنے کے بعد سے ان کا برا حال ہے اور بڑی مشکل سے ان کا گزربسر ہو رہا ہے۔ ہمارا دہلی حکومت سے مطالبہ ہے کہ دہلی والوں کو ان کے گھر تک لانے کے لیے بس کا انتظام کرے۔'