ووٹروں کی تصدیق کے لیے نوئیڈا میں بلاک لیول آفیسر کی میٹنگ

ووٹروں کی تصدیق کے پروگرام کو کامیاب بنانے کی غرض سے تحصیل جیور میں بلاک لیول آفسر کی میٹنگ منعقد کی گئی۔

الیکشن کمیشن آف انڈیا کی ہدایت کے مطابق ووٹروں کی تصدیق کے اہم پروگرام کو کامیاب بنانے کے لئے متعلقہ حکام کی جانب سے مختلف قسم کی سرگرمیوں پر عمل جاری ہے۔ واضح رہےکہ اس مہم کو پہلے 30 ستمبر تک چلایا گیا تھا۔

اب کمیشن نے اس کی تاریخ 15 اکتوبر تک توسیع کردی ہے۔ اس مہم کو کامیاب بنانے کے مقصد کے لئے، تحصیلدار جیور راکیش جینت نے تحصیل کے آڈیٹوریم میں بلاک لیول آفسران کی میٹنگ منعقد کیا۔

اس دوران انہوں نے کہا کہ کمیشن کے ڈائریکشن کے مطابق اپنے اپنے حلقوں میں تمام بلاک لیول آفسران، 100 فیصد رائے دہندگان کی تصدیق کے کام کو یقینی بنائیں۔
انہوں نے کہا کہ اس مہم کو کامیاب بنانے کے لیے بلاک لیول آفسران کواپنے حلقہ میں بڑے پیمانے پر دورے کر نے چاہئے اور ووٹرز سے رابطہ کرنا چاہئے۔ الیکشن کمیشن آف انڈیا کے این وائی ایس پی ایپ کے بارے میں بھی رائے دہندگان کو آگاہ کیا جائے تاکہ وہ اپنی سطح پر خود تصدیق کر سکیں۔