سی بی آئی کے وکیل وائی جے دستور نے راجیو کمار کی پیشگی ضمانت کے خلاف جسٹس ایس منشی اور جسٹس ایس داس گپتا کی عدالت میں دلیل سی بی آئی کے وکیل کے دلائل سننے کے بعد عدالت نے اس معاملے کو کل کے لیے ملتوی کردیا۔
راجیو کمار کے وکیل نے کیمرہ میں سماعت کی درخواست کی تھی جسے عدالت نے منظور کرلیا۔عدالت نے ہدایت دی کہ عدالت میں صرف وہی افراد رہیں گے جن سے متعلق یہ کیس ہے۔اس سے قبل 21ستمبر کو علی پور کورٹ نے راجیو کمار کی پیش گی ضمانت کی درخواست کو رد کردیا تھا۔
ایڈیشنل ڈائریکٹر جنرل سی آئی ڈی راجیو کمار کو حالیہ دنوں میں سی بی آئی نے کئی نوٹس دے چکی ہے۔مگر وہ سی بی آئی کے سامنے پیش ہونے کے بجائے ہر مرتبہ وقت مانگ رہے ہیں۔
شاردا چٹ فنڈ گھوٹالہ جو 2013میں منظر عام میں آیا تھا۔اس گھوٹالے کا ہضم 2,500کروڑ روپے ہے۔بنگال حکومت کے ذریعہ ایس آئی ٹی کے سربراہ تھے راجیو کمار۔سی بی آئی نے راجیو کمار پر الزام عائد کیا ہے کہ ایس آئی ٹی کے سربراہ کے طور پر راجیو کمار نے کئی بااثر افراد کو بچانے کے لیے ثبوتوں اور دستاویز کے ساتھ چھیڑ چھاڑ کی ہے۔