برکینا فاسو میں 122 افراد ہلاک

مغربی افریقی ملک شمالی برکینا فاسو کے ایک قصبے پر دہشت گردوں نے حملہ کرکے 35 شہریوں کو ہلاک کردیا جبکہ پولیس کارروائی میں 80 دہشت گرد ہلاک ہوگئے۔اس حملے کے بعد صدر نے ملک میں سوگ کا اعلان کیا ہے۔

مغربی افریقی ملک برکینا فاسو کے صدر نے گزشتہ دیر شب بتایا کہ دہشت گردوں نے حملے کرکے 35 شہریوں کو ہلاک کردیا ، جن میں زیادہ تر خواتین شامل ہیں، اس دوران سکیورٹی فورسز کی کارروائی میں 80 دہشت گرد ہلاک ہوگئے۔

مغربی افریقی میں 35 شہریوں کی ہلاکت

ایک فوجی بیان کے مطابق یہ تشدد سرحد کے قریب ساحل کے علاقے اربنڈا قصبے میں شروع ہوا، جو کئی گھنٹوں تک جاری رہا۔ اس دوران سکیورٹی فورسز کے سات اہلکار بھی ہلاک ہوگئے۔

اس علاقے میں دہشت گردانہ حملے اکثر ہوتے رہتے ہیں لیکن منگل کی شام کا حملہ انتہائی خطرناک تھا۔
انہوں نے مزید کہا کہ ’ہماری فوجیوں نے بہادری سے 80 دہشت گردوں کو ہلاک کیا جو قابل ستائش ہے‘۔

انہوں نے کہا کہ ابھی تک یہ بات واضح نہیں ہوسکی ہے کہ اس طرح کا بڑا حملہ کیسے پیش آیا۔ابھی تک حملے کی ذمہ داری کسی تنظیم نے نہیں لی ہے۔