قومی دارالحکومت دہلی میں آج انسانی زنجیر بنائے جانے کی کال کی گئی تھی جس کے متعلق تذبذب برقرار تھا کہ پولیس اس کی اجازت دیتی ہے یا نہیں۔ آخرکار دہلی پولیس نے اس کی اجازت دینے سے انکار کر دیا اور اس کے بعد جب مظاہرین نے راج گھاٹ پر پہنچنے کی کوشش کی تو پولیس نے مظاہرین کو وہاں رکنے نہیں دیا۔
اس کے بعد دہلی میٹرو کی جانب سے ایک ٹویٹ کے ذریعہ یہ اطلاع دی گئی کہ جامع مسجد، آئی ٹی او اور دہلی گیٹ میٹرو اسٹیشن میں داخلہ اور باہر نکلنے کے راستے بند کر دیے گئے ہیں۔
یہ قدم سکیورٹی کے تئیں اور مظاہرین کو روکنے کی غرض سے کیے گئے ہیں۔ فی الحال اس بات کی کوئی جانکاری نہیں ہے کہ یہ میٹرو سٹیشن کب کھلیں گے، تاہم پرانی دہلی میں داخل ہونے کے لیے یا باہر نکلنے کے لئے سبھی راستے کھلے ہوئے ہیں۔
