ملک میں کورونا وائرس کی دوسری لہر نے کہرام مچا رکھا ہے۔ روزآنہ کورونا کے نئے مریضوں اور کووڈ سے ہونے والی اموات کی تعداد میں اضافہ جاری ہے۔ لگاتار بڑھتے مریضوں سے نظام صحت بگڑ گیا ہے۔
ملک میں گزشتہ 24 گھنٹے میں ریکارڈ 3.53 لاکھ نئے کورونا کیسز سامنے آئے ہیں اور 2812 سے زیادہ لوگوں کی موت ہوگئی۔ یہ دنیا کے کسی بھی ملک میں ایک دن میں نئے کورونا مریض اور کووڈ سے ہونے والی ہلاکتوں کی سب سے زیادہ تعداد ہے۔
گزشتہ 24 گھنٹوں میں کورونا کے 3,52,991 نئے معاملے آنے کے بعد کل مثبت کورونا مریضوں کی تعداد 1,73,13,163ہوئی ہے۔ 2812 لوگوں کی موت کے بعد کل مرنے والوں کی تعداد 1,95,123 اور فعال معاملے 28,13,658 ہے۔ کورونا سے صحت یاب ہو کر گھر پہنچنے والوں کی کل تعداد 1,43,04,382 ہے۔
کورونا کے تیزی سے بڑھتے ہوئے معاملے کے مدنظر اتراکھنڈ ہائی کورٹ دو مئی تک کے لئے بند کردیا گیا ہے۔ وہیں تین مئی سے ویڈیو کانفرنسنگ کے ذریعے معاملے کی سماعت کریں گے۔