دہلی: دارالحکومت دہلی میں کورونا کے بڑھتے کیسز نے ایک بار پھر سے عوام میں دہشت پیدا کردی ہے۔ گزشتہ چوبیس گھنٹوں کے دوران کورونا کے 17 ہزار سے زائد نئے کیسز درج کیے گئے ہیں، جبکہ 104 مریضوں کی موت ہوئی ہے۔ وہیں صحتیاب ہونے مریضوں کی تعداد میں مزید کمی آئی ہے۔
گزشتہ 24 گھنٹوں کے دوران کورونا کے 17،282 نئے کیسز ہونے کے بعد اب دہلی میں متاثرین کی تعداد بڑھ کر 7،67،438 ہوگئی ہے۔ ساتھ ہی 104 اموات کے ساتھ مرنے والوں کی مجموعی تعداد 11،540 ہوگئی ہے۔ جو کہ 30 نومبر 2020 کے بعد سب سے زیادہ ہے۔
دہلی میں کورونا کے فعال معاملوں کی تعداد اب 50،736 ہوگئی ہے جبکہ ہوم کورنٹائن میں بھی لوگوں کی تعداد مسلسل بڑھتی ہی جارہی ہے۔ جو 24 ہزار سے تجاوز کر گئی ہے۔
کورونا کے معاملے میں مسلسل ہورہے اضافے کو دیکھتے ہوئے آج کیجریوال حکومت نے میٹنگ بلائی ہے جو کہ صبح گیارہ بجے شروع ہوگی۔
