صحت اور خاندانی بہبود کی وزارت نے ریاستوں کو لکھے گئے خط میں کہا ہے کہ اس پیکج کی 7774 کروڑ روپے کی رقم کورونا سے نمٹنے کے لیے ہنگامی حالات میں اٹھائے جانے والے اقدامات اور تدابیر پر خرچ کی جائے گی جبکہ باقی رقم اگلے چار سال میں مشن موڈ منصوبہ کے تحت خرچ کی جائے گی۔
کوروناوائرس: ہنگامی ہیلتھ پیکیج کے تحت 15 ہزار کروڑ روپے
مرکزی حکومت نےکورونا وباء سے نمٹنے کے لیے قومی اور ریاستی سطح پر صحت کے نظام کو مضبوط بنانے کے مقصد سے 'كووڈ -19 ایمرجنسی رسپانس اور حفظان صحت کے نظام کی تیاری سے متعلق پیکیج‘ کے لیے 15000 کروڑ روپے کی رقم منظور کی ہے۔
کورونا سے نمٹنے کے لئے ہنگامی ہیلتھ پیکج کے تحت 15 ہزار کروڑ روپے
اس پیکیج کا مقصد ملک بھر میں کورونا کے انفیکشن کی جانچ اور علاج کی سہولیات کو بڑھانا ہے۔ اس کے تحت لازمی طبی آلات اور دواؤں کی خریداری، لیبارٹری، نگرانی بڑھانا اور وسیع پیمانے پر صحت کے نظام کو مضبوط بنانا شامل ہے۔
صحت اور خاندانی بہبود کی وزارت کورونا کی وباء سے نمٹنے کے لیے ملک بھر میں حکمت عملی بنانے میں اہم کردار ادا کر رہا ہے۔ ابھی ملک میں 223 لیبارٹریوں میں کورونا وائرس کی جانچ کی جا رہی ہے۔ ان میں سے 157 سرکاری اور 66 نجی لیبارٹری شامل ہیں۔ وزارت نے ریاستوں اور مرکز کے زیرانتظام ریاستوں کو ہنگامی حالات سے نمٹنے کے لیے 4113 کروڑ روپے کی رقم جاری کی ہے۔