یہ 15 مزدور سائیکل سے بہار کے مدھوبنی جا رہے تھے۔ ان کو دہلی پولیس نے فتح پور علاقے کے پاس روک لیا۔
تھوڑی دیر بعد ان کو سمجھا بجھا کر رادھا سوامی ستسنگ بھارتی مائنس کے مزدور کیمپ میں بھیج دیا گیا۔
اس سے قبل بھی دہلی سے بڑی تعداد میں مہاجر مزدور دہلی چھوڑ کر اترپردیش اور بہار جا چکے ہیں۔
قابل ذکر ہے کہ بھارت میں 25 مارچ سے لاک ڈاؤن ہے۔ پہلے یہ لاک ڈاؤن 14 اپریل تک تھا بعد میں اس میں توسیع کر کے اسے تین مئی تک کر دیا گیا۔
خیال رہے کہ دنیا بھر میں کورونا وائرس سے اب تک 30 لاکھ سے زائد افراد متاثر ہیں۔ کورونا وائرس سے دنیا بھر میں دو لاکھ سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے 8.96 لاکھ سے زائد افراد ٹھیک ہو چکے ہیں۔
بھارت میں کورونا وائرس سے 29 ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 934 ہو چکی ہے۔ کورونا وائرس سے متاثر افراد میں سے تقریبا 6869 افراد ٹھیک ہو چکے ہیں۔
