اٹلی کے 15 سیاح کورونا وائرس سے متاثر، ایمس کی تصدیق

بھارت میں کورونا وائرس کے کچھ نئے کیسس سامنے آئے ہیں جبکہ حکومت نے اس سلسلہ میں عوام کو فکرمند نہ ہونے کا مشورہ دیا ہے۔

اطلاعات کے مطابق اٹلی سے بھارت آئے 21 سیاحوں میں سے 15 سیاح کورونا وائرس سے متاثر پائے گئے۔ ایمس کی جانب سے 21 سیاحوں کا ٹسٹ کیا گیا تھا جبکہ 15 سیاحوں کے ٹسٹ مثبت پائے گئے۔

کورونا وائرس سے متاثر اطالوی سیاحوں کو نئی دہلی میں چھاولا کے آئی ٹی بی پی کیمپ میں رکھا گیا ہے۔ تمام سیاحوں کو گذشتہ ایک روز سے سخت نگرانی میں رکھا گیا ہے۔

وزیراعظم نریندر مودی کی قیادت میں جاری کابینی اجلاس میں بھی کورونا وائرس کو لیکر غور و خوص کیا جارہا ہے۔ قبل ازیں وزیراعظم نے اس سلسلہ میں مناسب اقدامات کرنے کی عہدیداروں کو ہدایت دی تھی۔