کرنال: 14 سالہ ریپ متاثرہ نے اسقاط حمل کی اجازت مانگی

دہلی ہائی کورٹ میں ہریانہ کے ضلع کرنال کی ایک 14 سالہ نابالغ لڑکی نے اسقاط حمل کی اجازت مانگی ہے۔

نابالغ نے اپنی عرضی میں بتایا کہ وہ ایک ریپ متاثرہ ہے۔ اس وقت وہ 26 ہفتے (6 مہینہ اور 15 دن) کے حمل سے ہے۔

اس لڑکی نے عرضی میں کہا کہ اس کے چچا زاد بھائی نے اس کے ساتھ جنسی زیادتی کی تھی جس کے بعد وہ حاملہ ہوگئی۔ وہ اس بچے کو جنم نہیں دینا چاہتی ہے، اس لیے اسے حمل ضائع کرنے کی اجازت دی جائے۔

منگل کو سنوائی کے بعد عدالت نے اس معاملہ کی سماعت جمعہ تک ملتوی کردی ہے۔ ساتھ ہی یہ حکم بھی دیا گیا ہے کہ میڈیکل بورڈ اس معاملے میں اپنی رپورٹ پیش کرے۔