جہاں چین میں پھیلے کورونا وائرس کا اثر مختلف ممالک میں دیکھا گیا ہے وہیں اب دارالحکومت دہلی میں اس وائرس سے ممکنہ متاثرہ افراد کی تعداد 14 ہوگئی ہیں۔ در الحکومت دہلی کے ڈاکٹر رام منوہر لوہیا اسپتال میں مریضوں کو خصوصی وارڈ (ائیسولیتڈ وارڈ) میں رکھا ہوا ہے جہاں ڈاکٹروں کی ٹیم ان کی نگرانی کر رہی ہے۔
رام منوہر لوہیا اسپتال سے موصولہ اطلاعات کے مطابق چین سے ہندوستان واپس آنے والے مسافروں میں کورونا وائرس کے امکان کے پیش نظر ان کی جانچ کی جارہی ہے اور 14 افراد کو اب تک اس وائرس سے متاثر پایا ہے۔ اگرچہ اس سے پہلے 13 مریضوں کی اطلاع ملی تھی لیکن منگل کو ایک نیا کیس سامنے آیا ہے۔ ڈاکٹروں کا کہنا ہے کہ تمام 14 مریضوں کو اسپتال کے خصوصی وارڈ (ائیسولیٹڈ وارڈ) میں رکھ کر ان کا علاج کیا جارہا ہے۔
پُونے سے رپورٹ آنے کے بعد کورونا وائرس کی تصدیق ہوگی
ڈاکٹر رام منوہر لوہیا اسپتال کے ڈاکٹروں کا کہنا ہے کہ ہمارے پاس 14 مشتبہ واقعات ہیں۔ ہم نے ان سب کے نمونے پونے تفتیش کے لئے بھیجے ہیں۔ رپورٹ ملنے کے بعد ہی پتہ چل سکے گا کہ نمونے منفی ہے یا مثبت۔ انہوں نے کہا گھبرانے کی کوئی ضرورت نہیں ہے لیکن لوگوں کو احتیاط برتنا چاہیے۔