Jamia Nagar Delhi: جامعہ نگرمیں سلینڈر پھٹنے سے دھماکہ، 13 زخمی

دہلی کے جامعہ نگر کے تکونہ پارک کے نزدیک شام چار بجے کے قریب ریسٹورنٹ میں سلینڈر دھماکہ ہوا، جس میں تیرہ لوگ زخمی ہوگئے Cylinder Explodes in Tikuna Park of Jamia Nagar۔

نئی دہلی: قومی دارالحکومت دہلی کا مسلم اکثریتی علاقہ جامعہ نگر کے تکونہ پارک میں آج شام چار بجے ایک ریسٹورنٹ میں سلینڈر میں زوردار دھماکہ ہوا۔ دھماکہ اتنا خطرناک تھا کہ اس کی آواز دور تک سنائی دی گئی ہے۔ اس دھماکے میں 13 افراد کے زخمی ہونے کی اطلاع ہے Cylinder explodes in Tikuna Park of Jamia Nagar۔

بتایا جاتا ہے کہ رمضان کی وجہ سے روزہ داروں کے لیے کھانا تیار کیا جارہا تھا کہ شام چار بجے ریسٹورنٹ میں اچانک دھماکہ ہوگیا، دھماکہ کے بعد علاقے میں افراتفری مچ گئی۔ اس کی اطلاع فوراً فائر بریگیڈ کو دی گئی۔ جائے وقوع پر متعدد گاڑیاں آگ بجھانے میں مصروف ہیں۔

عام آدمی پارٹی کے سرگرم کارکن انجینئر محمد جابر نے بتایا کہ تکونہ پارک میں آج سہ پہر تین بجے کے قریب ایک ریسٹورنٹ میں زور دار دھماکہ ہوا، اس حادثے میں 13 افراد زخمی ہوئے ہیں۔ تمام زخمیوں کو ہولی فیملی ہسپتال میں داخل کرایا گیا ہے۔ اس واقعے کی اطلاع فائر ڈپارٹمنٹ دی گئی۔