دہلی: گیس سلنڈر پھٹنے سے 13 افراد زخمی

فائر بریگیڈ نے بتایا کہ دہلی کے منگولپوری علاقے کے ایک گھر میں گیس سلنڈر پھٹنے سے کم از کم 13 افراد زخمی ہوگئے۔ تو وہیں ایک گھنٹہ کے اندر اندر آگ پر قابو پالیا گیا ہے۔

قومی دارالحکومت دہلی کے منگول پوری علاقے کے ایک گھر میں گیس سلنڈر پھٹنے کے سبب 13 افراد زخمی ہوگئے۔ جنہیں علاج کے لیے اسپتال میں داخل کریا گیا۔

اس ضمن میں فائر بریگیڈ ایک عہدیدار نے بتایا کہ سلنڈر پھٹنے کے بارے میں فائر ڈیپارٹمنٹ کو فون آیا جس کے بعد فائر بریگیڈ کے 3 ٹینڈر نے موقع پر پہنچ کر ایک گھنٹے کی کڑی مشکت کے بعد آگ پر قابو پا لیا۔

انہوں نے بتایا کہ اس حادثے میں کوئی جانی نقصان نہیں ہوا ہے۔ زخمی ہونے والے 13 افراد کو اسپتال میں داخل کرایا گیا۔

انہوں نے مزید کہا کہ سلنڈر لیک ہونے کے سبب یہ حادثہ پیش آیا۔