دہلی میں کورونا کے 1282 نئے کیسز

قومی دار الحکومت دہلی سمیت ملک بھر میں کورونا وائرس سے متاثرین کی تعداد میں اضافہ ہی ہوتا جارہا ہے۔ اس معاملے میں بھارت دنیا میں پانچویں مقام پر پہنچ چکا ہے۔

قومی دار الحکومت نئی دہلی میں کورونا وائرس کے گذشتہ 24 گھنٹوں میں 1282 کیسز سامنے آئے اور متاثرین کے اعداد و شمار 29 ہزار کے قریب پہنچ گئے جبکہ 51 مریضوں کی موت سے اموات کی تعداد بڑھ کر 812 ہو گئی ہے۔

وزارت صحت کی جانب سے اتوار کی دیر رات جاری اعداد و شمار کے مطابق گذشتہ 24 گھنٹوں میں وائرس کے 1282 کیسز آئے اور کل تعداد 28936 پر پہنچ گئی۔

انہوں نے کہا کہ دہلی میں وائرس سے 10999 افراد صحتیاب ہو چکے ہیں جن میں 335 افراد آج صحتیاب ہوئے ہیں۔ فی الحال 17125 فعال کیسز ہیں۔

گذشتہ روز تک کورونا کے 27654 کیسز تھے اور ہلاکتوں کی تعداد 761 تھی۔