کانگریس کے باغی رکن اسمبلی امت شاہ سے ملاقات کریں گے

کرناٹک میں کانگریس کے کئی ارکان اسمبلی کے استعفی کے بعد سیاسی بحران پیدا ہوگیا ہے۔

گوا اسمبلی میں حزب اختلاف کے رہنما بابو کاؤیلکر سمیت کانگریس کے 10 رکن اسمبلی نے بی جے پی میں شامل ہونے کا اعلان کیا ہے۔ ان کے ساتھ گوا کے وزیر اعلی پرمود ساونت بھی ہیں۔
بی جے پی میں شامل 10 باغی رکن اسمبلی پارٹی کے صدر امت شاہ اور ایگزیکٹیو چیئرمین جے پی نڈا سے ملاقات کریں گے۔
کرناٹک میں کانگریس کے سیاسی بحران کے درمیان گوا کی سیاست بھی بدلتے ہوئے نظر آرہی ہے۔

کانگریس کے 15 رکن اسمبلی میں سے 10 بی جے پی میں انضمام کرچکے ہیں -
بی جے پی میں شامل ہونے والے رکن اسمبلی چندركانت كاؤلیكر، اٹناسيو مونسیراٹے، جنیفر مونسیراٹے، نيل كانت هلناركر، ٹونی فرنانڈیز، فرانسس سلويرا، ولفریڈ ڈی سوزا، فلپ نیري روڈگريجز، كلیفیسوڈیاس اور اسیڈور فرنانڈیز ہیں۔
مسٹر ساونت نے کہا کہ باغی اراکین اسمبلی کے ’انضمام ‘سے ریاست میں بی جے پی زیر قیادت حکومت مضبوط ہو گی۔

حزب اختلاف کے رہنما اور باغی رکن اسمبلی كاؤلیكر نے کہا’’ہم نے مسٹر ساونت کے کام کرنے کے طریقوں کو دیکھا ہے۔ وہ ریاست کی ترقی کے لئے کام کر رہے ہیں. ہم نے ان سے ہاتھ ملانے کا فیصلہ کیا ہے. "

انہوں نے مزید کہا’’ہم وزیر اعظم نریندر مودی کے ساتھ کام کرنے کے مقصد سے ہی بی جے پی میں ضم ہوئے ہیں۔
کاؤیلکر نے گوا اور قومی سطح پر پارٹی کی ناکامی کے لئے کانگریس کے داخلی ’جھگڑے‘ کو ذمہ دار ٹھہرایا‘‘۔

مسٹر ساونت نے بتایا کہ باغی رکن اسمبلی نے غیر مشروط بی جے پی میں شامل ہونے کا فیصلہ کیا ہے اور وہ کابینہ کو فوری توسیع نہیں کریں گے۔