ہوائی اڈے سے 1.34 کروڑ کی غیرملکی کرنسیاں ضبط

سنٹرل انڈسٹریئل سیکورٹی فورس (سی آئی ایس ایف) نے دہلی کے اندرا گاندھی بین الاقوامی (آئی جی آئی) ہوائی اڈے پر دو غیر ملکی شہریوں سمیت چار افراد کے پاس سے 1.34 کروڑ روپے کی غیر ملکی کرنسیاں ضبط کی ہیں۔

سی آئی ایس ایف کے ذریعہ جاری کردہ بیان کے مطابق سی آئی ایس ایف کی نگرانی اور انٹیلی جنس حکام نے جمعرات کو ہوائی اڈے پر افغانستان کے دو شہریوں عبد ایس امیری اور ظفر محمد کے پاس سے قریب 22 لاکھ روپے قیمت کے 31 ہزار ڈالر برآمد کئے۔ دونوں نے ہی اس سلسلے میں کوئی تسلیم شدہ دستاویزات پیش نہیں کیا۔

ہوائی اڈے سے 1.34 کروڑ کی غیرملکی کرنسیاں ضبط

ایک اور معاملے میں سی آئی ایس ایف نے بینکاک جا رہے مسافر سریندر سنگھ کے پاس سے تقریبا 96 لاکھ روپے کے 119200 یورو اور 2000 ڈالر برآمد کئے۔ سریندر بھی غیر ملکی کرنسیوں کے سلسلے میں کوئی دستاویزات نہیں پیش کر سکا۔تیسرے معاملے میں دبئی جا رہے ہندوستانی مسافر حبیب اللہ کے پاس سے 8050 امریکی ڈالر، 3505 کویتی دینار، 2500 سعودی ریال اور 725 عمانی ریال برآمد کئے گئے۔ضبط شدہ غیر ملکی کرنسیوں کی قیمت 16 لاکھ روپے بتائی گئی ہے۔سی آئی ایس ایف نےسریندر ا اور حبیب اللہ کو بھی کسٹم حکام کے حوالے کر دیا تاکہ انکے خلاف قانونی کارروائی کی جا سکے۔