اجیت جوگی ہسپتال میں زیرعلاج

ریاست چھتیس گڑھ کے سابق وزیراعلیٰ اجیت جوگی کی طبیعت خراب ہونے کی وجہ سے جمعرات کی شب گروگرام میں واقع میدانتا ہسپتال میں داخل کرایا گیا ہے۔

گزشتہ رات جنتا کانگریس کے رہنما اور چھتیس گڑھ کے سابق وزیراعلیٰ اجیت جوگی کی اچانک طبیعت خراب ہوگئی، اور انہیں فوراً میدانتا ہسپتال پہنچایا گیا جہاں ان کا علاج چل رہا ہے۔
ذرائع کے مطابق مسٹر جوگی کو سینے میں درد اور سانس لینے میں تکلیف ہونے کی شکایات پر ہسپتال میں داخل کرایا گیا ہے۔
وہ ڈاکٹروں کی خصوصی نگرانی میں ہیں۔
مسٹر جوگی کی طبیعت جس وقت خراب ہوئی وہ دہلی کے چھتیس گڑھ بھون میں ٹھہرے ہوئے تھے جہاں سے انہیں ہسپتال لے جایا گیا ہے۔