آسمانی بجلی گرنے سے میاں بیوی سمیت تین کی موت

چھتیس گڑھ کے ضلع دھمتری کے نگری تھانہ علاقہ میں تیز ہوا کے ساتھ گرج چمک کے درمیان بجلی گرنے سے میاں بیوی سمیت تین لوگوں کی موت ہو گئی ہے۔

پولیس ذرائع کے مطابق ٹونگ پتھراو کھار میں رام ناتھ نیتام (65) اور اس کی اہلیہ منگلی نیتام کل شام کھیت میں کام کرنے گئے تھے، اسی وقت تیز ہوا کے ساتھ گرج چمک کے درمیان آسمانی بجلی گرنے سے دونوں کی موقع پر ہی موت ہو گئی۔ وہیں سیہاوا تھانہ علاقہ گرام پنچایت برباندھا عامگاوں میں آسمانی بجلی کی زد میں آنے سے پھولو بائی (38) کی موت ہو گئی ہے۔ وہ اپنے گھر میں ہی کوئی کام کر رہی تھیں۔