فوجی نے اپنے ساتھی پر فائرنگ کی

ضلع بیجاپور کے فرسے گڑھ میں واقع سی اے ایف کیمپ میں ایک جوان نے اپنے ہی ساتھی فوجیوں پر فائرنگ کردی۔

ریاست چھتیس گڑھ کے ضلع بیجا پور سی اے ایف کیمپ میں ایک جوان نے اپنے ہی ساتھی فوجیوں پر فائرنگ کردی۔

اس واقعے میں سی اے ایف کا ایک جوان روی رنجن کی موقع پر موت ہو گئی۔ وہیں حملہ آور دیا شنکر شکلا اور ایک جوان محمد شریف زخمی ہوگیا۔

بتایا جارہا ہے کہ فوجیوں کے درمیان کسی چیز کو لے کر بحث ہوگئی، جس کے بعد غصے میں آکر فوجی دیا شنکر شکلا نے اپنی سروس رائفل سے ساتھی فوجیوں پر فائرنگ کردی۔

جس کے نتیجے میں ایک فوجی کی موقع پر ہی موت ہو گئی جبکہ ایک شدید زخمی ہو گیا۔ فائرنگ کے واقعے کے بعد جوان نے خود کو گولی مار لی۔

واضح رہے کہ فائرنگ میں محمد شریف کی ٹانگ میں گولی لگی۔ ملزم جوان اور زخمی جوان کو ڈسٹرکٹ اسپتال میں علاج کے لئے لایا گیا۔ وہیں زخمی کی نازک حالت کو دیکھتے ہوئے رائے پور بھیجنے کی تیاریاں کی جارہی ہیں۔