صفائی سروے سے قبل آج راج کمار آدتیشور شرن سنگھ دیو اور تریشالا سنگھ نے امبیکا پور کی سڑکوں کو صفائی دیدیوں کے ساتھ مل کر صفائی کی۔ نیز لوگوں سے اپیل کی کہ وہ کچرا سڑک پر نہ پھینکیں۔
شہر میں صفائی سروے کے پیش نظر میونسپل کارپوریشن اور صفائی دیدیوں نے صفائی سے متعلق ایک ریلی بھی نکالی جس میں تریشالا سنگھ نے حصہ لیا اور پیدل چلتے ہوئے پورے شہر کا دورہ کیا اس دوران انہوں نے لوگوں سے شہر کو صاف رکھنے کی اپیل کی۔
اس کے علاوہ دیگر عوامی نمائندوں اور عہدیداروں نے بھی ریلی میں شرکت کی۔ صفائی دیدیوں کی شکایت پر ترشالا سنگھ نے یوزر چارج نہیں دینے والے لوگوں سے انہیں یوزر چارج دلوایا اور تمام لوگوں سے یوزر چارج دینے کی اپیل کی ۔
واضح رہے کہ تریشالا سنگھ سرگوجا کے شاہی خاندان کی راجکماری ہیں۔ ترشالا سنگھ وزیر صحت ٹی ایس سنگھ دیو اور ان کے چھوٹے بھائی ارونیشور شرن سنگھ دیو کی بہو ہیں۔ وہ مدھیہ پردیش حکومت میں پنچایت وزیر ، مہندر سنگھ سیسودیا کی بیٹی ہیں۔
