فوجی جوان نے ساتھیوں پر گولیاں چلائیں، ایک ہلاک

ریاست چھتیس گڑھ کے جگدل پور میں کسی بات پر تنازعہ کے بعد سی آر پی ایف کے جوان نے فائرنگ کر دی جس میں ایک جوان کی موت ہو گئی۔ دو جوان زخمی ہو گئے۔

فوجیوں کے مابین کسی چیز کو لے کر جھگڑا ہوا تھا۔ اس کے بعد گریش نامی نوجوان نے غصے میں آ کر پرمود اور سنتوش پر فائرنگ کردی۔ جوان نے اپنی رائفل میں موجود 30 کی 30 گولیوں کو پرمود پر فائر کیا اور پھر سنتوش کو 5 گولیاں ماری جس کی وجہ سے پرمود نامی فوجی موقع پر ہی ہلاک ہوگیا جبکہ سنتوش نامی نوجوان بری طرح زخمی ہوا ہے۔

جوانوں پر اندھا دھند فائرنگ کرنے کے بعد ملزم جوان نے خود کو بھی گولی مار دی۔ اس کی حالت بھی تشویشناک ہے۔

دونوں زخمیوں کو رائے پور اسپتال لے جانے کی تیاری کی جا رہی ہے۔

بستر کے آئی جی سندر راج پی نے واقعے کی تصدیق کی ہے۔